Alvaro Arbeloa, stjóri Real Madrid, segir fólki að kenna sér um tap liðsins gegn Getafe í efstu deild Spánar í gær.
Getafe vann mjög óvæntan 0-1 útisigur á Real og lyfti sér upp í 11. sæti deildarinnar með sigrinum.
Real mátti ekki við því að tapa en liðið er nú fjórum stigum á eftir toppliði Barcelona í titilbaráttunni.
,,Þetta tap er mér að kenna og engum öðrum. Við getum ekki bent á Mbappe eða Bellingham,“ sagði Arbeloa.
,,Þetta er Real Madrid og við erum með meira en nógu góða leikmenn til að vinna leiki. Ég ætla ekki að finna afsakanir.“
