Wayne Rooney hefur gagnrýnt ákvörðun Thomas Tuchel, landsliðsþjálfara Englands, að skilja Trent Alexander-Arnold eftir utan hópsins.

Rooney segir það „óskiljanlegt“ að varnarmaðurinn, sem leikur með Real Madrid, hafi ekki verið valinn í nýjustu verkefni landsliðsins og telji að hann ætti að vera í lykilhlutverki með liðinu.

„Engin vanvirðing gagnvart Ben White, sem er góður leikmaður, en að hann sé valinn fram yfir Trent finnst mér ótrúlegt,“ sagði Rooney í þætti sínum hjá BBC.

Alexander-Arnold hefur glímt við meiðsli en er nú fastamaður hjá Real Madrid undir stjórn Álvaro Arbeloa. Þrátt fyrir það hefur hann ekki spilað fyrir England í tæpt ár.

Rooney telur að enska landsliðið þurfi á sterkari varnarmönnum að halda frekar en sókndjörfum bakvörðum. Hann nefndi einnig að hann myndi vilja sjá varnarlínu skipaða Harry Maguire, Marc Guéhi og Luke Shaw.

Ákvörðun Tuchel hefur vakið mikla umræðu og Rooney er langt frá því að vera sá eini sem efast um hana.