Manchester United og Tottenham hafa áhuga á miðjumanninum Gabriel Sara sem leikur með Galatasaray.
Hinn 26 ára gamli Sara er að eiga gott tímabil og hefur hann komið að alls ellefu mörkum í öllum keppnum.
United er í leit að miðjumanni þar sem uppstokkun gæti orðið á hópnum í sumar. Sara er fjölhæfur og skapandi leikmaður sem talið er að gæti nýst félaginu vel.
Talið er að Galatasaray vilji rúmar 30 milljónir punda fyrir Sara, sem á þrjú ár eftir af samningi sínum í Tyrklandi.
