Lionel Messi var viðstaddur athöfn í Hvíta húsinu í Washington á fimmtudag þegar lið hans, Inter Miami, var heiðrað fyrir að vinna MLS-bikarinn í fyrsta sinn í sögu félagsins. Athöfnin vakti þó einnig athygli fyrir ummæli forseta Bandaríkjanna, Donald Trump.
Messi, sem hefur unnið Gullboltann átta sinnum og er af mörgum talinn einn besti knattspyrnumaður allra tíma, gekk út á svið ásamt Trump og stóð við hlið hans á meðan forsetinn hélt ræðu. Í upphafi ræðunnar ræddi Trump meðal annars um átök í Mið-Austurlöndum og sagði að bandaríski herinn, ásamt bandamönnum í Ísrael, væri að „eyðileggja eldflaugakerfi Írans“.
Messi hlustaði á ræðuna ásamt liðsfélögum sínum sem stóðu á sviðinu við athöfnina. Trump sneri sér síðar að fótboltanum og hrósaði argentínska stjörnunni sérstaklega.
„Sonur minn Barron spurði mig hvort ég vissi hver yrði hér í dag. Hann sagði: ‘Messi!’ Hann er mikill aðdáandi þinn og telur þig vera frábæran leikmann,“ sagði Trump.
Donald Trump: „Lionel Messi is here“
My son said: ‘DAD, DO YOU KNOW WHO’S GOING TO BE HERE TODAY?’
I told him: ‘No, I have a lot of things to do…'“
Look at Messi’s reaction when Trump said Ronaldo😭
pic.twitter.com/9Wxh2stcmd— Miss ADEL🦋🦚🌹 (@a_derll) March 5, 2026
Forsetanum varð einnig tíðrætt um langvarandi keppinaut Messi, portúgalska framherjann Cristiano Ronaldo. „Hann er mikill fótboltaaðdáandi og mikill aðdáandi þinn og líka manns sem heitir Ronaldo,“ bætti Trump við í ræðu sinni.
Athöfnin var haldin til að fagna fyrsta MLS-titli Inter Miami, sem Messi hefur átt stóran þátt í síðan hann gekk til liðs við félagið. Þetta var í fyrsta sinn sem Messi heimsótti Hvíta húsið.
Á síðasta ári gat hann ekki mætt þegar honum var boðið að taka við Freedom-orðunni frá þáverandi forseta Joe Biden, þar sem hann sagðist hafa verið upptekinn vegna annarra skuldbindinga.
