Gareth Bale hefur opinberað að bakmeiðsli sem hann varð fyrir sem unglingur hjá Tottenham hafi fylgt honum allan hans feril og haft áhrif á ákvörðun hans um að hætta snemma í fótbolta.

Bale, sem er 36 ára, segist hafa meiðst í baki aðeins 18 ára gamall.

„Ég glímdi við það allan ferilinn. Ég glímdi við mikið af kálfameiðslum sem voru vegna baksins. Ég sagði þetta aldrei opinberlega því fólk hefði sagt að ég væri bara að finna afsakanir. Það var hægt að stjórna þessu en með tímanum tók það sinn toll.“

Hann vann þó fimm sinnum Meistaradeildina með Real Madrid og var lykilmaður í liði Wales á EM 2016 og EM 2020 og tryggði landsliðinu á HM í fyrsta sinn í 64 ár 2022. Bale lék alls 111 landsleiki og skoraði 41 mark.

Hann hætti þó 2023 sem leikmaður Los Angeles FC, aðeins 33 ára gamall.