Arnar Gunnlaugsson, landsliðsþjálfari A karla, hefur valið hóp sem mætir Aserbaísjan og Frakklandi í undankeppni HM 2026.

Um er að ræða tvo fyrstu leiki liðsins í undankeppninni. Ísland mætir Aserbaísjan á Laugardalsvelli föstudaginn 5. september og Frakklandi á Parc des Princes þriðjudaginn 9. september.

Jóhann Berg Guðmundsson getur ekki tekið þátt í verkefninu vegna meiðsla sem hafa hrjáð hann en hann er byrjaður að æfa á nýjan leik. Gylfi Þór Sigurðsson er ekki í hópnum en hann hefur ekki fengið kallið eftir að Arnar Gunnlaugsson tók við, Gylfi glímir nú við smávægileg meiðsli.

Aron Einar Gunnarsson er í hópnum en hann hefur spilað vel með Al-Gharafa í Katar á undanförnum vikum.

Daníel Tristan Guðjohnsen er í hópnum í fyrsta sinn en bróðir hans Andri Lucas Guðjohnsen er einnig í hópnum.

Gísli Gottskálk Þórðarson miðjumaður Lech Poznan er á hópnum í fyrsta sinn en Anton Ari Einarsson markvörður Breiðabliks er áfram í hópnum.

Dagur Dagn Þórhallsson fær ekki traustið að þessu sinni en Arnar velur Bjarka Stein Bjarkason frá Venezia sem skoraði fyrir lið sitt um liðna helgi.

Hópurinn er hér að neðan.

Hópurinn
Elías Rafn Ólafsson – FC Midtjylland – 7 leikir
Hákon Rafn Valdimarsson – Brentford F.C. – 20 leikir
Anton Ari Einarsson – Breiðablik – 2 leikir

Logi Tómasson – Samsunspor – 10 leikir, 1 mark
Mikael Egill Ellertsson – Genoa CFC – 21 leikur, 1 mark
Daníel Leó Grétarsson – SonderjyskE – 24 leikir
Aron Einar Gunnarsson – Al-Gharafa SC – 107 leikir, 5 mörk
Sverrir Ingi Ingason – Panathinaikos F. C. – 59 leikir, 3 mörk
Guðlaugur Victor Pálsson – AC Horsens – 50 leikir, 3 mörk
Bjarki Steinn Bjarkason – Venezia FC – 5 leikir

Gísli Gottskálk Þórðarson – Lech Poznan
Ísak Bergmann Jóhannesson – 1. FC Köln – 35 leikir, 4 mörk
Þórir Jóhann Helgason – U. S. Lecce – 19 leikir, 2 mörk
Stefán Teitur Þórðarson – Preston North End F.C. – 30 leikir, 1 mark
Hákon Arnar Haraldsson – LOSC Lille – 22 leikir, 3 mörk
Albert Guðmundsson – ACF Fiorentina – 41 leikur, 10 mörk
Kristian Nökkvi Hlynsson – FC Twente – 4 leikir
Willum Þór Willumsson – Birmingham City F. C. – 18 leikir
Jón Dagur Þorsteinsson – Hertha BSC – 46 leikir, 6 mörk
Mikael Neville Anderson – Djurgårdens IF Fotboll – 33 leikir, 2 mörk

Sævar Atli Magnússon – SK Brann – 6 leikir
Andri Lucas Guðjohnsen – K.A.A. Gent – 34 leikir, 9 mörk
Orri Steinn Óskarsson – Real Sociedad – 16 leikir, 7 mörk
Daníel Tristan Guðjohnsen – Malmö FF