Fulham neitar að gefast upp á miðjumanninum Scott McTominay og vill mikið fá hann í sínar raðir í sumar.

Um er að ræða leikmann Manchester United sem er mögulega fáanlegur fyrir rétta upphæð.

Skotinn er opinn fyrir því að fara samkvæmt Sky Sports en hingað til hefur Fulham ekki náð að bjóða rétta upphæð í leikmanninn.

United er að leitast eftir því að losa þónokkra leikmenn í sumar og ætlar að styrkja sig enn frekar fyrir komandi tímabil í ensku úrvalsdeildinni.

Síðasta tilboð Fulham var ekki nógu hátt en samkvæmt Sky ætlar félagið að bjóða enn hærra í McTominay á næstu dögum.

Samningur McTominay rennur út á næsta ári og gæti enska stórliðið neyðst til að selja í sumar.