Ólafur Karl Finsen er orðinn leikmaður Vals, á vef KSÍ kemur fram að Ólafur hafi haft félagaskipti til félagsins frá Fylki.
Ólafur lagði skóna á hilluna í vetur eftir gott gengi með Fylki síðasta sumar.
Framherjinn knái hefur æft með Val í vikunni og nú hefur hann fengið félagaskipti til liðsins.
Ólafur lagði skóna á hilluna í vetur en hann lék með Stjörnunni, Fylki, Val og FH við góðan orðstír. Hann er þekktastur fyrir að tryggja Stjörnunni Íslandsmeistaratitilinn í lokaleik tímabilsins gegn FH árið 2014.
Óvíst er hvort Ólafur komi strax inn í hlutverk hjá VAl en hann fær leikheimild með liðinu á morgun og gæti verið í hóp í Bestu deildinni um helgina.
„Okei ég mæti bara ef ég fæ að vera með Gylfa í liði,“ skrifaði Ólafur við myndband sem hann birti af æfingasvæði Vals í vikunni
Eins og flestir vita gekk Gylfi Þór Sigurðsson í raðir Vals fyrir tímabil og það er spurning hvort Ólafur hafi fengið að vera með honum í liði á æfingunni.
Hér að neðan má sjá myndbandið.