Íþróttavikan - Formaður KSÍ

Íþróttavikan heldur áfram að rúlla á 433.is og í Sjónvarpi Símans undir hlekk Hringbrautar. Helgi Fannar Sigurðsson og Hrafnkell Freyr Ágústsson hafa umsjón með þættinum og gestur þeirra að þessu sinni var Ríkharð Óskar Guðnason, Rikki G.

Það hefur verið mikið rætt og ritað um formannsstól KSÍ undanfarið og hvort Vanda Sigurgeirsdóttir gæti stigið frá borði. Þetta var tekið fyrir í þættinum.

„Miðað við það sem maður heyrir er Guðni mjög líklegur til að koma inn í þetta aftur,“ sagði Hrafnkell.

Ríkharð tók þá til máls.

„Samkvæmt minni tilfinningu finnst mér ekki líklegt að Vanda bjóði sig aftur fram. Ég held hún hafi kannski áttað sig á því að þetta væri aðeins erfiðara en hún gerði ráð fyrir. Hún er alltaf skotspónn ef illa gengur. Hún kom inn á mjög erfiðum tíma og ég held hún hafi allavega gert sitt besta til að gera þetta að eins starfsvænu umhverfi og hægt er.

Það eina sem ég vona er að þetta verði alvöru formannskjör. Það verði ekki bara einn aðili heldur þurfi að velja á milli.“

Umræðan í heild er hér að neðan.