Brotist var inn í hús Kevin De Bruyne, leikmanns Manchester City, í Belgíu á laugardag. Hann og fjölskylda hans voru ekki heima á meðan ránið átti sér stað.

De Bruyne hefur ekki verið með City síðan í byrjun leiktíðar vegna meiðsla. Innbrotið átti sér stað eftir leik City gegn Crystal Palace á laugardag en þá voru De Bruyne og hans liðsfélagar flognir til Sádi-Arabíu þar sem heimsmeistaramót félagsliða fer fram.

Sem fyrr segir var eiginkona De Bruyne og börnin hans þrjú ekki á heimilinu í heimalandinu þegar innbrotið átti sér stað.

Samkvæmt fjölmiðlum í Belgíu tóku ræningjarnir ýmislegt með sér úr húsinu en ekki kemur nánar fram hvað.

De Bruyne keypti eignina árið 2015 en hún er risastór og afar glæsileg. Þar er til dæmis sundlaug og körfuboltavöllur á veröndinni.

Fjölskyldan dvelur þó að mestu á Englandi þar sem De Bruyne spilar.