Leikmenn Barcelona fengu ekkert frí á nýársdag eins og mörg önnur félög eftir leik við Espanyol um helgina.

Barcelona gerði 1-1 jafntefli við Espanyol á sunnudag og var frammistaða liðsins ekki sannfærandi.

Xavi, stjóri Barcelona, var mjög ósáttur með spilamennsku liðsins og heimtaði mætingu á nýársdag.

Leikmenn Barcelona áttu upphaflega að fá frí á þessum degi en Xavi ákvað að breyta til eftir úrslitin.

Diario Sport segir að Xavi hafi í raun verið bálreiður eftir leikinn og lét leikmenn vita um leið að það væri mæting þann 1. janúar.

AS segir jafnframt frá því að það hafi verið samkomulag á milli Xavi og leikmanna að þeir myndu aðeins fá frí ef leikurinn hefði endað með sigri.