Paul Scholes, goðsögn hjá Manchester United er í nýju viðtali við fyrrum samherja sinn, Gary Neville. Þar fara þeir félagar yfir víðan völl. Þeir ræddu meðal annars daginn erfiða um vorið 2012 þegar Manchester City varð Englandsmeistari á kostnað United.
City dugði sigur gegn QPR í lokaleiknum til að verða meistari. Á sama tíma mætti United Sunderland, sem liðið vann 0-1 með marki frá Wayne Rooney.
Bláliðar voru hins vegar 1-2 undir á heimavelli sínum þegar lítið var eftir. Leik United lauk á undan og útlitið bjart.
Mörk frá Edin Dzeko og Sergio Aguero í blálok leiksins tryggðu City hins vegar Englandsmeistaratitilinn á eins dramatískan hátt og mögulegt er.
„Ég fór næstum því að gráta. Það gerði það verra því við héldum að City yrði ekki í vandræðum með QPR. Við fórum til Sunderland og héldum að þetta skipti ekki máli,“ segir Scholes í viðtalinu.
„Við héldum ekki að við hefðum unnið deildina í leikslok. Maður hugsar ekki svoleiðis.“
