Lee Grant, leikmaður Manchester United, hefur ákveðið að leggja markmannshanskana á hilluna. Grant er 39 ára gamall og gekk til liðs við Manchester United fyrir fjórum árum síðan en spilaði lítið með liðinu og ekkert í ensku úrvalsdeildinni.
Grant lék áður með Derby County, Burnley, Sheffield Wednesday og Stoke City. Englendingurinn lék yfir 500 leiki á sínum ferli og nokkra með yngri landsliðum Englands.
„Ég hef ekki spilað marga leiki á undanförnum fjórum árum en ég gaf mig allan fram með hópnum á hverjum einasta degi á æfingu. Ég gat ekki sagt nei við tækifærinu um að ganga til liðs við eitt stærsta félag heims,“ sagði Grant.
„Það hafa verið margar skemmtilegar stundir og stöku áskoranir og ég er þakklátur fyrir hvern einasta dag,“ bætti Grant við.
