Arnar Þór Viðarsson hefur opinberað byrjunarlið sitt fyrir leikinn gegn Þýskalandi í undankeppni HM. Hefst leikurinn klukkan 18:45.
Hannes Þór Halldórsson tekur sér aftur stöðu í markinu en Rúnar Alex Rúnarsson hafði staðið þar í síðustu tveimur leikjum.
Birkir Már Sævarsson, Birkir Bjarnason, Brynjar Ingi Bjarnason og Albert Guðmundsson eru þeir einu sem byrja alla fjóra leikina. Birkir og Bikir Már eru að leika 101 landsleik sinn í kvöld.
Jóhann Berg Guðmundsson kemur aftur inn í byrjunarliðið en Jón Guðni Fjóluson leikur í hjarta varnarinnar með Brynjari.
Þá kemur Þórir Jóhann Helgason inn á vinstri kantinn og Albert Guðmundsson leikur í fremstu víglínu. Guðlaugur Victor Pálsson kemur inn á miðsvæðið á nýjan leik.
Rúnar Alex Rúnarsson, Kári Árnason, Guðmundur Þórarinsson, Mikael Neville Anderson, Andri Fannar Baldursson og Viðar Örn Kjartansson setjast á bekkinn frá síðasta leik.
Margir töldu að Andri Lucas Guðjohnsen kæmi inn í byrjunarliðið eftir mark sitt gegn Norður-Makedóníu. Hann er hins vegar áfram á meðal varamanna.
Byrjunarlið Íslands:
Hannes Þór Halldórsson
Birkir Már Sævarsson
Brynjar Ingi Bjarnason
Jón Guðni Fjóluson
Ari Freyr Skúlason
Jóhann Berg Guðmundsson
Guðlaugur Victor Pálsson
Birkir Bjarnason
Ísak Bergmann Jóhannesson
Þórir Jóhann Helgason
Albert Guðmundsson
