Segja má að stuðningsmenn FC Kaupmannahöfn gráti í koddann sinn næstu daga, ástæðan er sú að Ragnar Sigurðsson yfirgaf félagið í gær og hélt til Úkraínu.

Ragnar samdi við Rukh Lviv í Úkraínu í gær. Samningur Ragnars við FCK átti að renna út næsta sumar en hann heldur nú í úrvalsdeildina í Úkraínu.

Ragnar var í annað sinn á ferli sínum í herbúðum FCK en hann gekk í raðir félagsins fyrir tæpu ári síðan. Ragnar sem er 34 ára gamall lék áður með Krasnodar og Rostov í Rússlandi en að auki lék hann með Fulham í næst efstu deild Englands.

Rukh Lviv er í tólfta sæti í úrvalsdeildinni í Úkraínu af 14 liðum, liðið er á sínu fyrsta tímabili í efstu deild.

Mikil umræða hefur skapast á meðal stuðningsmanna FCK sem sjá á eftir Ragnari sem er goðsögn í þeirra röðum.

Nicolaj Thiim Schmidt
Einn af stóru strákunum í sögu FCK, hlakka til að hafa Ragnar í stúkunni.

Jakob Illerup
Takk fyrir allt sem þú hefur gert fyrir okkur á vellinum, þú ert svakaleg fyrirmynd þegar kemur að því að koma fram fyrir Kaupmannahöfn, bæði innan og utan vallar. Gangi þér sem best í framtíðinni.

Martin Bo Kristensen
Virðing á þig, þetta gekk ekki upp núna en þú lagðir þig fram. Þú ert frábær íþróttamaður og hliðhollur, það er það sem við krefjumst af okkar leikmönnum.

Nicky Hjorth
Takk fyrir allt sem þú hefur gert fyrir félagið Ragnar, við tökum alltaf vel á móti þér.

Frank Bjørklund
Það er ekki annað hægt en að elska Ragnar.

Mikkel Boas Berg
Takk fyrir allt goðsögn

Alex Hansen
Raggi þú verður fyrir alltaf fyrirmynd í mínum bókum, þú barðist eins og ljón. Gangi þér vel