Thiago Silva, leikmaður Chelsea á Englandi, mun án efa komast í jólaskap þegar hann kemur heim eftir verkefni með brasilíska landsliðinu. Eiginkona hans, Belle Silva, fékk fyrirtæki sem sérhæfir sig í jólaskreytingum til að breyta heimili þeirra í sannkallað jólaland.
Belle deildi myndum af jólaskreytingunum á Instagram síðu sinni í vikunni en þar sást að allur dagurinn fór í að skreyta heimilið að utan og innan. Það hefur verið þess virði því nú má varla líta á húsið án þess að sjá seríur eða jólaskraut.
„Ég var hrædd um að þetta myndi verða eins og heimili jólasveinsins,“ sagði Belle við fylgjendur sína á Instagram, sem eru um 400 þúsund talsins. „Þetta er eins og ég vildi hafa þetta. Fallegt og mjög stílhreint. Þrátt fyrir að þetta sé smá eins og úr kvikmynd þá elska ég þetta.“
Hér fyrir neðan má sjá nokkur skjáskot af því sem Belle setti á Instagram-síðu sína í gær:
