Moise Kean liðsfélagi Gylfa Þór Sigurðssonar hefur komið sér í vandræði eftir að myndband af honum að brjóta reglur er varðar útgöngubann í Bretlandi fór í umferð. Á föstudag var Kean með gleðskap heima hjá sér, hann bauð vinum sínum í heimsókn og ákvað svo að bóka strippara.
Á myndbandinu má sjá stelpurnar fækka fötum og daðra og snerta Kean og vini hans. Myndbandið setti Kean á Snapchat. Kean hefur lítið getað hjá Everton eftir að hann kom til félagsins frá Juventus síðasta sumar.
Kean hefur fengið harða gagnrýni fyrir þessa framkomu sína. ,,Hugarfarið er það að þú heldur að þú sért öðruvísi og yfir aðra hafinn. Þú telur þig geta gert allt af því að þú hefur efni á því. Svona er raunveruleikinn fyrir unga fótboltamenn, leikara og tónlistarmenn. Fólk fer að elska sjálft sig of mikið,“ sagði Danny Murphy fyrrum leikmaður Liverpool.
,,Þú verður að taka ábyrgð á þér og haga þér eins og þú sért fullorðinn. Ég er að gagnrýna þessa hegðun, ég hef verið í þessari stöðu. Þú telur þig vera yfir aðra hafinn, þú gerir það sem þú villt. Svo er þér kippt niður á jörðina.“
,,Hann er heimskur, er það ekki? Hann er ekki nógu gáfaður.“
