Jordan Pickford, markvörður Everton segir það nánast ómögulegt að verja skot frá Gylfa Þór Sigurðssyni.
Gylfi er er þekktur fyrir sín þrumuskot og þegar hann leikur knattspyrnu, þá er það ekkert pot.
Pickford var beðinn um að segja frá því hvaða andstæðingur væri erfiðastur þegar kæmi að því að verja frá.
,,Það er mjög augljóst að það er Gylfi,“ sagði þessi enski landsliðsmarkvörður.
,,Hvernig hann smellir boltanum á þá staði sem hann ætlar sér, tæknin er líka fyrsta flokks. Það er hrikalega erfitt að verja frá Gylfa.“
