Ronaldinho var ein skærasta stjarna fótboltans um langt skeið en nú virðist lífið hans í molum, eignir hafa verið teknar af honum og vegabréfið hans er falsað.

Ronaldinho er frá Brasilíu en hann er 39 ára gamall, hann var um tíma besti knattspyrnumaður í heimi þegar hann lék með Barcelona. Eftir heimkomuna til Brasilíu hefur hallað undan fæti og vandræði hans utan vallar og fréttir um einkalíf hans hafa mikið verið í fréttum.

Ronaldinho var árið 2018 á heimili sínu þegar lögreglan mætti, hann skuldaði skattinum um 300 milljónir og hafði ekki borgað. Tveir bílar og málverk voru tekinn af heimili hans, reynt var að ná upp í sektina.
Sektin hans við skattinn hækkaði svo og skömmu síðar voru 57 fasteignir í eigu Ronaldinho, teknar af honum.

Ronaldinho var með vegabréf frá Spáni og Brasilíu, bæði voru tekinn af honum á dögunum. Hann var svo handtekinn í Paragvæ í síðustu viku, þar er hann sakaður um að hafa verið með falsað vegabréf og er að svara til saka þessa dagana.

Ronaldinho var handtekinn á dögunum og nú vilja yfirvöld þar setja hann í fangelsi, og gæti hann fengið hálfs árs dóm. Ronaldinho fær þó sérmeðferð enda fær hann að sofa á hóteli með lögreglumann fyrir utan hjá sér, sökum þess að hann er stórstjarna.

Ronaldinho kveðst hafa fengið þetta vegabréf að gjöf og haldið að þetta væri eitthvað sem hann mætti nota.