Chris Smalling, varnarmaður Manchester United mun skoða framtíð sína í sumar. Hann hefur staðið sig vel á láni hjá Roma í ár. Smalling var ekki í plönum Ole Gunnar Solskjær í ár en Roma hefur reynt að kaupa í tvígang í ár.
Nú segja ensk blöð að Chris Smalling sé á óskalista Tottenham í sumar, Jose Mourinho vill endurnýja kynni þeirra. Smalling og Mourinho unnu vel saman hjá Manchester United en líklegt er að Mourinho missi Jan Vertonghen í sumar.
Smalling þarf að velta framtíðinni fyrir sér í sumar en Manchester United gæti viljað halda honum.
Nú segja ensk blöð að United sé búið að skella verðmiða á Smalling, 25 milljónir punda er verðmiðinn sem United hefur sett á Smalling.
Roma er tilbúið að borga 15 milljónir punda en þurfa að hækka sig hressilega til að fá Smalling.
