Odion Ighalo skoraði í gær sitt fyrsta mark fyrir Manchester United en hann kom til félagsins í janúar.
Ighalo er sóknarmaður en hann kom á láni frá Shanghai Shenhua í Kína og var talsvert grín gert að skiptum Ighalo.
Ighalo fékk að byrja leik gegn Club Brugge í Evrópudeildinni og vann United öruggan 5-0 heimasigur.
Nígeríumaðurinn skoraði annað mark leiksins en hann fagnaði með því að minnast, systur sinnar sem lést í desember.
,,ÞEssi bolur var fyrir Mary, hún var eins og ég stuðningsmaður Manchester United. Okkur hafði lengi dreymt um að ég myndi spila fyrir félagið, nú er ég hér og hún er ekki lengur með okkur. Það gerir þetta erfitt,“ sagði Ighalo.
Mary var aðeins 43 ára gömul þegar hún lést í desember en hún og Ighalo voru bestu vinir.
Ighalo leikur í Nike skóm en hann lét á dögunum setja nafn Mary á skóna en þau ólust upp í Lagos í Nígeríu.
