Steve Bruce, stjóri Newcastle, viðurkennir að hann sé vonsvikinn vegna stöðu framherjans Andy Carroll.

Það veit enginn hjá Newcastle hvað er að Carroll en hann getur ekki spilað vegna einhverra meiðsla.

Carroll hefur endalaust verið meiddur síðustu ár en Newcastle hélt að hann væri að nálgast sitt besta form.

,,Þetta er pirrandi fyrir okkur alla því við héldum að við værum að fá Andy aftur. Hann sparkaði viðstöðulaust í bolta og hefur ekki verið sá sami síðan,“ sagði Bruce.

,,Við höfum ekki komist að neinni niðurstöðu varðandi þessi meiðsli sem er pirrandi fyrir alla.“

,,Það stærsta er að ökklinn er í lagi en Andy er sjálfur vonsvikinn yfir einhverju sem maður myndi halda að væri ekkert.“