Ernesto Valverde, stjóri Barcelona, vill sjá Lionel Messi fá Ballon d’Or verðlaunin frægu í lok árs.
Þar verður besti leikmaður ársins verðlaunaður en Messi kemur til greina ásamt mörgum öðrum góðum.
,,Ég fylgist ekki með þessum hátíðum, þær taka of langan tíma. Ég býst við að ég velji það sama og þið,“ sagði Valverde.
,,Ég myndi augljóslega velja þann besta, á hverju ári þá þarftu að gera það út frá hvernig árið hefur verið.“
,,Ef þú átt að verðlauna þann besta, látum Messi þá bara fá verðlaunin og vandamálið er úr sögunni.“
