fbpx
Mánudagur 28.september 2020
433Sport

Baldvin lést 25 ára gamall eftir harða baráttu við krabbamein: „Fögnuðu með því að benda til himins“

433
Þriðjudaginn 4. júní 2019 09:14

Ekki missa af Helstu tíðindum dagsins í pósthólfið þitt

Lesa nánar

Andri Yrkill Valsson, blaðamaður Morgunblaðsins skrifar fallega grein í blað dagsins. Þar talar hann um fólkið sem styður við íþróttafélög sín, mikilvægi sjálfboðaliða og stuðningsmanna.

Andri skrifar pistilinn til minningar um Baldvin Rúnarsson, 25 ára Akureyringinn sem lést um helgina. Baldvin hafði háð harða baráttu við krabbamein til margra ára.

,,Íþrótt­ir og íþrótta­fé­lög eru ekk­ert án fólks­ins sem stend­ur þeim að baki. Starfs­fólk, sjálf­boðaliðar og stuðnings­menn mynda órjúf­an­lega heild sem stend­ur sam­an, fé­lag­inu sínu til heilla. Æði oft mynd­ast sterk til­finn­inga­bönd milli fé­lag­anna og fólks­ins. Þessa teng­ingu er bæði erfitt að út­skýra, en ekki síður erfitt að rjúfa. Þessi tengsl halda í blíðu og stríðu og oft yfir móðuna miklu. Ein­mitt þess vegna er svo mik­il­vægt að íþrótta­fé­lög­in og liðin sem leika und­ir þeirra merkj­um gleymi ekki þeim sem standa þar að baki. Það er fólkið sem skipt­ir öllu máli,“ skrifar Andri í Morgunblaðið í dag.

Baldvin sagði sögu sína í janúar en hana má lesa hérna

Baldvin ólst upp í Þór, hann elskaði félagið og studdi það í blíðu og stríðu. Hann lék knattspyrnu þangað til veikindin fóru að herja á hann, hann lék með Þór upp yngri flokkana en með Magna í meistaraflokki.

„Á sunnu­dag­inn var lék knatt­spyrnulið Þórs með sorg­ar­bönd til minn­ing­ar um Bald­vin Rún­ars­son sem lést á föstu­dag eft­ir erfið veik­indi, aðeins 25 ára gam­all. Til greina kom að fresta deild­ar­leik Þórs og Þrótt­ar, en eins og sagt er frá á heimasíðu Þórs þá sneru leik­menn bök­um sam­an og sögðu: „Vinn­um leik­inn fyr­ir vin okk­ar og fé­laga Bald­vin Rún­ars­son.“

Leikmenn Þór fögnuðu mörkunum með því að benda til himins, sigurinn gegn Þrótti var fyrir Baldvin.

„Það var fal­legt að sjá hvernig leik­menn minnt­ust hans, fögnuðu mörk­um sín­um með því að benda til him­ins og til­einkuðu hon­um sig­ur­inn. „Við tók­um það með inn á völl­inn í dag sem hann kenndi okk­ur með líf­inu. Hann gafst aldrei upp,“ sagði Jón­as Björg­vin Sig­ur­bergs­son eft­ir leik.“

Baldvini hafði verið veitt bronsmerki Þórs helgina á undan, fyrir stuðning sinn við félagið.

„Sjálf­ur veit ég það að Bald­vin var skil­grein­ing­in á gall­hörðum Þórsara og gott dæmi um hin órjúf­an­legu tengsl sem geta mynd­ast á milli ein­stak­lings og íþrótta­fé­lags. Það eina sem skipt­ir máli er fólkið sem stend­ur að baki fé­lag­inu, og það gerði Bald­vin svo sann­ar­lega hjá Þór. Blessuð sé minn­ing hans.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 12 klukkutímum

,,Þið eruð að eyðileggja knattspyrnuna fyrir öllum!“

,,Þið eruð að eyðileggja knattspyrnuna fyrir öllum!“
433Sport
Fyrir 13 klukkutímum

Danskur viðskiptamaður kaupir knattspyrnulið í þriðju deildinni

Danskur viðskiptamaður kaupir knattspyrnulið í þriðju deildinni
433Sport
Fyrir 13 klukkutímum

Fylkir vann á Meistaravöllum – FH vann Fjölni

Fylkir vann á Meistaravöllum – FH vann Fjölni
433Sport
Fyrir 15 klukkutímum

Dramatískar lokamínútur í jafntefli Tottenham og Newcastle

Dramatískar lokamínútur í jafntefli Tottenham og Newcastle
433Sport
Fyrir 15 klukkutímum

Glódis Perla fyrirliðið í jafntefli

Glódis Perla fyrirliðið í jafntefli
433Sport
Fyrir 17 klukkutímum

Leeds United vann baráttuna um Jórvíkurskíri

Leeds United vann baráttuna um Jórvíkurskíri
433Sport
Fyrir 18 klukkutímum

Óvíst með þátttöku lykilmanna Liverpool

Óvíst með þátttöku lykilmanna Liverpool