ÍA 2-0 Stjarnan
1-0 Einar Logi Einarsson(54′)
2-0 Steinar Þorsteinsson(90′)
Það ætlar ekkert að stöðva lið ÍA í Pepsi Max-deild karla en liðið mætti Stjörnunni í sjöttu umferð í kvöld.
ÍA var á toppnum fyrir leikinn og var eina taplausa lið deildarinnar. Stjarnan var í sjöunda sætinu.
Skagamenn eru nú með fimm stiga forskot á toppnum eftir 2-0 sigur á þeim bláklæddu.
Einar Logi Einarsson skoraði fyrra mark ÍA í kvöld og bætti Steinar Þorsteinsson við öðru undir lokin.
Breiðablik og FH geta minnkað þá forystu síðar í kvöld en þau hefja leik klukkan 19:15.
