Daniel James kantmaður Swansea hefur samið við Manchester United um kaup og kjör. Sky Sports News segir frá.
Manchester United hefur ekki klárað samkomulag sitt við Swansea, það ætti að gerast.
James er 21 árs gamall kantmaður frá Wales en hann lék vel með Swansea, í næst efstu deild Englands í vetur.
James hefur leikið fyrir A-landslið Wales, sagt er að kaupin gangi í gegn á næstu dögum.
James verður fyrsti leikmaðurinn sem Ole Gunnar Solskjær, fær til Manchester United. Stuðningsmenn félagsins vonast eftir mikið breyttu liði á næstu leiktíð.