Gylfi Þór Sigurðsson skoraði mark tímabilsins fyrir Everton en það voru stuðningsmenn sem kusu.
Gylfi skoraði magnað mark fyrir Everton í sigri á Leicester og var það mark valið það fallegasta á tímabilinu.
Íslenski landsliðsmaðurinn fagnaði með því að renna sér á hnjánum á blautu grasi, eitthvað sem sjúkraþjálfarar Everton voru ekki hrifnir af.
,,Við spilum fótbolta fyrir stuðningsmennina, þeir eru allir að horfa á leikina,“ sagði Gylfi.
,,Það er sérstakt að fá þessi verðlaun fyrir mark tímabilsins þegar það eru þeir sem kjósa.“
,,Það þýðir að þeir séu ánægðir og við reynum að gera þá ánægða. Ég man eftir að hafa séð boltann í netinu og hljóp til þeirra.“
,,Það hafði rignt og völlurinn var blautur svo það var kjörið tækifæri til að renna sér í átt að þeim. Sjúkraþjálfararnir voru ekki hrifnir af fagninu en þetta var fullkomið!“