Lokaleik dagsins í Pepsi Max-deild karla er nú lokið en lið Breiðabliks og ÍA áttust þá við í Kópavogi.
Það var boðið upp á ágætis fjör á Kópavogsvelli en eina mark leiksins gerði Einar Logi Einarsson fyrir ÍA.
Skagamenn eru nú með 13 stig á toppi deildarinnar en Einar gerði markið eftir hornspyrnu í uppbótartíma.
Hér má sjá það góða og slæma úr leiknum.
Plús:
Frábært sigur fyrir Skagamenn, þeir eiga að stefna á Evrópusæti í sumar.
Skagamenn hafa unnið Val, FH og Breiðablik í síðustu þremur leikjum. Magnaður árangur
Gunnleifur Gunnleifsson, sannar það á ári hverju að aldur er bara tala. Magnaður markvörður. Erik Hamren, landsliðsþjálfari var á vellinum. Fær Gunnleifur aftur tækifæri?
Mínus:
Guðjón Pétur Lýðsson verður að fara að leggja sitt að mörkum, hans leikur snýst um mörk og stoðsendingar.
Skagamenn geta stundum eytt óþarfa orku í röfl og tuð.
Leikur Blika var afar fyrirsjáanlegur, sparkað langt og vonað það besta. Ágúst Gylfason þarf að bæta þennan hluta leiksins.