Pétur Viðarsson, leikmaður FH, fékk að líta beint rautt spjald í leik gegn ÍA í Pepsi Max-deild karla í kvöld.
Staðan er 2-0 fyrir ÍA þessa stundina en Pétur fékk beint rautt spjald þegar um 70 mínútur voru komnar á klukkuna.
Talið var í fyrstu að Pétur hefði fengið sitt annað gula og þar með rautt en svo var ekki.
Pétur fær spjaldið fyrir að gagnrýna aðstoðardómarann á Akranesi en hann var ósáttur með ákvörðun í leiknum.
Gunnar Birgisson, fréttamaður á RÚV, heyrði það sem Pétur sagði við aðstoðardómarann.
,,Ertu fokking þroskaheftur?“ sagði Pétur og var Pétur Guðmundsson, dómari, ekki lengi að rífa upp rauða spjaldið.
Skammarleg hegðun hjá Pétri sem á að vita betur en að láta skapið fara svo illa með sig og liðsfélaga sína.
,,Ertu fokking þroskaheftur“ segir Pétur Viðarsson við aðstoðardómarann og uppsker viðstöðulaust rautt spjald.
— Gunnar Birgisson (@grjotze) 15 May 2019