Valur vill losna við Gary Martin. Þetta staðfesti Ólafur Jóhannesson, þjálfari Vals í samtali við 433.is í dag.
Gary gekk í raðir Vals í janúar og gerði þriggja ára samning. Eftir þrjár umferðir í Pepsi Max-deildinni vill Valur nú losna við framherjann.
Félagaskiptaglugginn á Íslandi lokar á morgun, það þarf því að hafa hraðar hendur svo Gary finni sér nýtt félag. Sterkur orðrómur er í gangi um að Valur hafi áhuga á að skipta á framherja við Stjörnuna.
Sagt er að Valur vilji fá Guðmund Stein Hafsteinsson, hann ólst upp í Val. Valur horfir til þess að Guðmundur er góður í að halda bolta, óvíst er hvort Stjarnan sé til í þennan kapal.
Fótbolti.net segir svo að KA og ÍA séu einnig að skoða það að fá Gary en ekki eru líkur á að KR eða FH sýni honum neinn áhuga samkvæmt heimildum 433.is.