Liverpool er komið í úrslitaleik Meistaradeildarinnar eftir ótrúlegan leik við lið Barcelona í fyrradag. Leikið var á Anfield en fyrri leiknum lauk með 3-0 sigri Börsunga og var liðið því í frábærri stöðu fyrir leiknn.

Eitt mark var skorað í fyrri hálfleik í Liverpool en það gerði Belginn Divock Origi fyrir heimamenn á sjöundu mínútu. Í seinni hálfleik fór allt í gang hjá Liverpool og sérstaklega eftir innkomu Georginio Wijnaldum. Wijnaldum skoraði annað mark Liverpool á 54. mínútu með fínu skoti og svo annað stuttu seinna með frábærum skalla.

Það var svo Origi sem sá um að tryggja Liverpool áfram en hann skoraði fjórða mark liðsins eftir hornspyrnu.

Lionel Messi, stjarna Börsunga var í sárum eftir leik, til að bæta gráu ofan á svart var boltastrákur LIverpool með leiðindi við hann.

Hann hljóp að Messi eftir leik og skellti V-merkinu í andlitið á honum, í Bretlandi telst það ljótt að gefa einhverjum tvo fingur. Merkingin á því er að segja einhverjum að hoppa upp í rassgatið á sér.

Öryggisvörður reyndi að stoppa strákinn en ekki er líklegt að hann fái aftur að vera boltastrákur á Anfield.