Gary Neville, fyrrum fyrirliði Manchester United og sérfræðingur Sky Sports, segir að Ole Gunnar Solskjær eigi að hvíla lykilmenn gegn Manchester City í næstu viku.

Þessu heldur Neville fram til að United eigi meiri möguleika á sæti í Meistaradeildinni. Neville segir hins vegar að þetta standi og falli með því að United vinni Everton á sunnudag.

United á fjóra stóra leiki á næstu tíu dögum og Neville útskýrir af hverju að hvíla gegn City, væri skynsamlegt.

,,Leikurinn gegn Everton á sunnudag er sá leikur sem liðið er líklegast til að vinna,“ sagði Neville.

United leikur gegn Barcelona í kvöld, síðan eru það leikir við Everton, City og Chelsea um aðra helgi.

,,Ef United vinnur svo City en tapar gegn Chelsea, er liðið í baráttu um fjórða sætið. Ef liðið tapar gegn City en vinnur Chelsea, þá er liðið í topp fjórum.“

,,Ef United vinnur Everton, þá er rétti tíminn gegn City að hvíla leikmenn,“ sagði Neville, þetta eru tíðindi sem enginn stuðningsmaður Liverpool vill heyra. Liverpool er að berjast við City um sigur í deildinni.

Liverpool treystir á að Tottenham eða United stríði City, þá er liðið með örlögin í sínum höndum.

,,Ég er ekki að segja að United eigi að hugsa um tap, þeir verða að vinna. Með fjóra leiki á tíu dögum, þá er ekki hægt að spila sama liðnu.“

,,Ef liðið vinnur Everton, þá á að gera nokkrar breytingar gegn City, en reyna að ná í úrslit.“