KA og Guðjón Pétur Lýðsson hafa komist að samkomulagi um starfslok Guðjóns hjá KA.
Vegna fjölskylduaðstæðna hjá Guðjóni þá hafa félagið og Guðjón komist að þeirri niðurstöðu að Guðjóni er heimilt að fara frá liðinu. Frá þessu var greint í dag.
Fyrr í dag var svo staðfest að KA hefði leyft Guðjóni að fara í viðræður við Breiðablik, tilboð félagsins hafi verið samþykkt.
Samkvæmt öruggum heimildum 433.is leggur Valur hins vegar mikla áherslu á að fá Guðjón aftur. Þannig er hann í viðræðum við bæði félög. Ákvörðun um framtíð Guðjóns, ku liggja fyrir um helgina.
Guðjón yfirgaf Val síðasta haust, var ósáttur við spilatíma og vildi stærra hlutverk. Hann gekk þá í raðir KA en af fjölskylduástæðum gat hann ekki verið lengur á Akureyri.
Nú gæti Guðjón gengið aftur í raðir Vals, stærsta ástæða þess að Valur vill Guðjón aftur samkvæmt heimildum 433.is, er sú staðreynd að Kristinn Freyr Sigurðsson hefur ekkert æft síðustu mánuði. Aðgerð hans misheppnaðist og óvíst er hvenær hann snýr aftur.
