Marouane Fellaini, leikmaður Manchester United, mun ekki leika með belgíska landsliðinu gegn því íslenska á morgun.

Fellaini er smávægilega meiddur en spilaði samt 90 mínútur gegn Manchester City um helgina.

Þrátt fyrir það mátti Roberto Martinez, landsliðsþjálfari Belga, ekki kalla leikmanninn í hópinn.

Hann skilur ákvörðun United og neitar því að hann sé í stríði við Jose Mourinho og félaga.

,,Það sem gerðist með Fellaini er eitthvað sem gerist margoft í búningsklefanum,“ sagði Martinez.

,,Vegna aðstæðna þá þurfti hann að spila svo það var ótrúlegt að sjá hann spila 90 mínútur, það eru frábærar fréttir fyrir okkur.“

,,Við tókum ákvörðun varðandi hópinn á föstudaginn og vorum með upplýsingar um alla leikmennina og það gafst tækifæri á að halda áfram með okkar plön.“

,,Vitandi það að hann hafi spilað 90 mínútur um helgina er gott, það þýðir að hann sé nálægt sínu besta formi og hann verður alltaf til staðar fyrir landsliðið.“

,,Við erum hæstánægð með það að hann sé að komast í sitt besta form en erum vonsvikin yfir því að hann hafi ekki getað tekið þátt áður vegna smávægilegra meiðsla.“

,,Það voru vonbrigði sem við deildum með félagsliði hans. Við erum öll að vinna saman. Þetta er ekki stríð við Manchester United, við erum ekki að reyna að ná fram hefndum.“