Mesut Özil, leikmaður Arsenal, hefur tjáð sig um Cristiano Ronaldo, fyrrum liðsfélaga sinn hjá Real Madrid.

Özil segir að Ronaldo sé mjög sérstakur leikmaður og að hann hafi gert sig að betri leikmanni er þeir spiluðu saman.

,,Fólk er alltaf að spyrja mig hvernig það hafi verið að spila með Ronaldo og það sem ég get sagt er að ég hef aldrei séð persónu eins og hann,“ sagði Özil.

,,Hann leggur sig mjög hart fram og er sá fyrsti til að mæta á æfingasvæðið og sá síðasti til að fara.“

,,Hann er mikill atvinnumaður og vill alltaf vinna, jafnvel á æfingum. Auðvitað fylgdist ég með því sem hann gerði, meira að segja skottækni hans.“

,,Það var mjög auðvelt að spila með honum því hann gerði mig að betri leikmanni á vellinum og hann er líka frábær náungi. Ég lagði upp fjölda marka á hann og hann þarf ekki að minna mig á það!“