Rafael Benitez, þjálfari Newcastle, vonar það að sinn maður á miðjunni, Jonjo Shelvey, fái tækifæri í enska landsliðinu.

Shelvey er að jafna sig af meiðslum þessa stundina en Benitez vonar að hann fái á endanum tækifæri undir stjórn Gareth Southgate.

,,Shelvey er með gæðin, hann er með sjónina, hann getur framkvæmt þessar sendingar sem sóknarmenn vilja fá fyrir aftan vörnina,“ sagði Benitez.

,,Það eru ekki mörg lið með þannig leikmann í sínu liði. Hann er með gæðin til að spila fyrir England. Hann býður upp á annað en aðrir leikmenn liðsins.“

,,Ég er ekki að segja að hann ætti að spila alla leiki en hann gefur þér eitthvað öðruvísi.“