Ágúst Gylfason, þjálfari Breiðabliks, var súr með að fá ekki meira en eitt stig í kvöld er liðið gerði markalaust jafntefli við Víking Reykjavík.

,,Þetta var eiginlega svart og hvítt. Við mættum ekki alveg í fyrri hálfleik og þeir voru yfir í baráttunni og hefðu getað verið komnir yfir í hálfleik,“ sagði Gústi.

,,Við ræddum þetta í hálfleiknum að gera betur og það sýndi sig. Við vorum flottir í seinni hálfleik og ótrúlegt að boltinn hafi ekki farið inn.“

,,Við lögðum upp með að spila góðan bolta og sækja á þá en það sást í fyrri hálfleik að menn voru ekki klárir.“

,,Sást þú það? Lögmálið segir það að boltinn sé inni,“ sagði Gústi svo um skot Gísla Eyjólfssonar sem sumir vilja meina að hafi farið yfir línuna.