Óvíst er hvort Gianluigi Buffon sé búinn að leggja skóna alveg á hilluna segir umboðsmaður hans, Silvano Martina.

Buffon hefur gefið það út að hann sé á förum frá Juventus eftir tímabilið en hann er orðinn fertugur að aldri.

Buffon hefur verið orðaður við lið á Englandi og er hann mikill aðdáandi stuðningsmanna West Ham ef marka má orð umboðsmannsins.

,,Ég veit ekki hvort hann sé að kveðja fótboltann. Hann vill fá tvær vikur til að taka ákvörðun með fjölskyldunni,“ sagði Martina.

,,Hann hefur alltaf verið hrifinn af stuðningsmönnum West Ham og skrifaði einnig um það í bókinni sinni.“