,,Þetta var mjög erfiður leikur, þetta eru erfiðir leikir. Við gerðum frábærlega, veðrið gerði þetta erfitt. Vindur og rok,“ sagði Jurgen Klopp stjóri Liverpool eftir 1-2 sigur á Burnley í dag.
Allt stefndi í jafntefli eftir að Jóhann Berg Guðmundsson hafði jafnað fyrir Burnley en Ragnar Klavan tryggði sigur í uppbótartíma.
,,Burnley er að gera vel, það tók tíma að skora og svo voru næstu tvö mörk þar á eftir svipuð.“
,,Áttum við skilið að vinna? Mér er sama, við fengum þrjú stig.“
,,Sex stig á tveimur dögum, ég hef aldrei upplifað það áður.“