„Þessi starfsemi nær 27 ár aftur í tímann en þá hófum við að flytja inn vélar, gírkassa og skiptingar frá Japan. Þess vegna heitir fyrirtækið Japanskar vélar en á þessum tíma voru – og eru raunar enn – fjölmörg fyrirtæki í Evrópu með svipuð heiti. Undanfarin ár hefur starfsemin hins vegar færst úr innflutningi yfir í bílapartasölu,“ segir Hlöðver Hjálmarsson, eigandi bílapartasölunnar Japanskar vélar.

Japanskar vélar bjóða upp á mikið úrval af varahlutum á hagstæðu verði en mest er úrvalið í asískaum bíla. „Þessir bílar eru reyndar framleiddir úti um allan heim en við höfum varahluti í bíla undir flestum þessum asísku merkjum,“ segir Hlöðver.

Japanskar vélar kaupa tjónabíla frá tryggingafyrirtækjum og einkaaðilum, rífa bílana niður og flokka varahluti. Almennt er mikil eftirspurn eftir varahlutum en hún hefur þó minnkað nokkuð með auknum innflutningi undanfarin ár.
Meðal eftirsóttra varahluta auk véla og drifbúnaðar eru boddíhlutir, felgur, rúður og ljós. Hlöðver tekur hins vegar fram að hann selji ekki öryggisbúnað úr tjónabílum.

Japanskar vélar eru til húsa að Dalshrauni 26 í Hafnarfirði. Opið er virka daga frá kl. 9 til 17. Hægt er að skoða úrvalið á staðnum en einnig eru ítarlegar upplýsingar á vefsíðunni japanskarvelar.is og Facebook-síðunni www.facebook.com/japanskarvelar/. Viðskipti fara mjög gjarnan fram með tölvupósti eða með símtali í síma 565-3400.

Hægt er að greiða með millifærslum og símgreiðslum þar sem kortaupplýsingar eru gefnar upp eða á staðnum.
Japanskar vélar senda varahluti hvert á land sem er.