Hjá versluninni Leanbody er boðið upp á hágæða fæðubótarefni og heildarlausnir fyrir heilbrigðan lífsstíl.

„Leanbody er fæðubótarefnaverslun sem hóf göngu sína í byrjun desember 2015,“ segir Alfreð Pálsson, sem á og rekur Leanbody, ásamt konu sinni, Agnesi Kr. Gestsdóttur. „Við byrjuðum smátt, svo hefur verslunin vaxið jafnt og þétt og gengið vonum framar. Vörurnar, sem eru bandarískar, eru þekktar fyrir mikil gæði og miðast ekki bara við keppnisfólk, heldur fyrir alla sem vilja ástunda hreyfingu og heilbrigðan lífsstíl.“

Hjá Leanbody er boðið upp á heildarlausnir. „Við höfum boðið fólki upp á ráðleggingar um hvað eina sem varðar heilbrigðan lífsstíl,“ segir Alfreð, sem hefur æft og keppt í vaxtarrækt og kraftlyftingum, en Agnes keppti í sundi á árum áður. Þau vísa viðskiptavinum meðal annars á þjálfara af báðum kynjum, „þetta eru þjálfarar sem við þekkjum til og við höfum traust á.“

Leanbody styrkir einnig einstaklinga, bæði keppnisfólk og einstaklinga sem náð hafa að breyta lífsstíl sínum. „Við höfum styrkt fólk sem er afreksfólk í íþróttum, fólk sem okkur finnst eiga möguleika á góðum árangri. Við höfum einnig styrkt fólk, sem er góðar fyrirmyndir, fólk sem hefur breytt um lífsstíl og náð góðum árangri og hvatt aðra, hvort sem það er með því að grenna sig eða ná góðri endurhæfingu,“ segir Alfreð.

Yfir 20 ára gamalt vörumerki

Fyrirtækið Labrada var stofnað árið 1995 af goðsögn í vaxtarræktarheiminum, Lee Labrada og hafa vörurnar sannað sig á markaðinum. Kvót hans er „If it’s on the label, it’s in the bottle“ eða „Ef að það er í innihaldslýsingu, þá er það í vörunni.“ Þriðji óháður aðili yfirfer allar vörur áður en þær fara á markað til að sannreyna að allt sem stendur á innihaldslýsingunni sé í vörunni.

„Við erum með vörur fyrir alla og sem dæmi má nefna, að þá erum við með vörur fyrir fólk með meltingartruflanir, magavandamál, útþembdan maga, þessi vandamál sem margir kannast við,“ segir Alfreð.

„Allar vörurnar okkar eru glútenlausar. Við erum að taka inn vegan próteinvörur, grænt te og snakk sem er gert úr brokkolí,“ segir Alfreð.

Fæðubótarefni eru fyrir alla sem kjósa heilbrigðan lífsstíl

„Viðskiptavinahópurinn hefur breyst frá því að fæðubótarefni komu fyrst á markað, áður var þetta aðallega fyrir vaxtarræktar- og kraftlyftingafólk, í dag eru viðskiptavinir fólk sem leggur stund á allar íþróttagreinar, hvort sem er til keppni eða sem hluta af heilbrigðum lífsstíll, auk fólks sem fer eingöngu út að ganga.

Það má þó ekki gleyma að um er að ræða fæðubótarefni, þau gera gott betra, en koma aldrei í stað matar, heilbrigðs lífsstíl, hreyfingar og svefns,“ segir Alfreð.

Leanbody er að Bæjarhrauni 2, Hafnarfirði. Opnunartími er alla virka daga kl. 11–18 og laugardaga kl. 13–16. Sími er 533-2616 og netfang leanbody@leanbody.is.

Leanbody er með heimasíðu: leanbody.is og á Facebook: leanbody.is.