Golfklúbburinn Oddur
Golfklúbburinn Oddur er einn glæsilegasti golfklúbbur landsins, staðsettur í Urriðavatnsdölum í Garðabæ. Aðstaðan á Urriðavelli er eins og best verður á kosið og tekið er sérstaklega vel á móti nýjum félögum. Á golfsvæði Urriðavallar er 18 holu keppnisvöllur og 9 holu par 3 völlur sem heitir Ljúflingur.
Fyrir þá sem vilja prófa golf í sumar þá gæti Ljúflingsaðild GO verið frábær kostur enda um að ræða 9 holu par 3 völl sem hefur notið mikilla vinsælda. Völlurinn er kjörinn til að prófa sig áfram í íþróttinni áður en stóra skrefið er tekið á Urriðavelli.
Ljúflingsaðild kostar 39.000 kr. fyrir fullorðna og 19.000 fyrir börn, en hún veitir kylfingum rétt til að leika Ljúfling ótakmarkað, veitir félagsaðild að golfklúbbnum Oddi og spilarétt á vinavöllum GO í allt sumar. Vissulega frábær kostur.
Áhugasömum er bent á vefsíðu Golfklúbbsins Odds, www. Oddur.is, en þar er að finna allar helstu upplýsingar um klúbbinn og þá glæsilegu æfingaaðstöðu sem hann býður upp á.
Golfklúbburinn Oddur og Golf-akademían Oddur standa fyrir metnaðarfullum golfleikjanámskeiðum fyrir börn á Urriðavelli í sumar. Um er að ræða fimm daga námskeið fyrir krakka á aldrinum 6–12 ára. Námskeiðstími er kl. 9–12 á öllum námskeiðum.
Á hverju námskeiði er börnunum kennd grunnatriði golfíþróttarinnar. Kennslan er uppsett með æfingum og leikjum með það að markmiði að skapa ánægjulega upplifun fyrir börnin. Golfkennsla er í höndum PGA kennaranna Phill Hunters og Rögnvaldar Magnússonar ásamt því að með þeim verða aðstoðarmenn.
Öll börn sem skráð eru á námskeið hjá Oddi fá Ljúflingsaðild 2017 og geta haldið áfram að spila allt sumarið.
Námskeið 1. 12–16. júní 2017
Námskeið 2. 19–23. júní 2017
Námskeið 3. 26–30. júní 2017
Námskeið 4. 10–14. júlí 2017
Námskeið 5. 17–21. júlí 2017
Námskeið 6. 24–28. júlí 2017
Skráningarform er á heimasíðu www.oddur.is og einnig er hægt að senda tölvupóst á skrifstofa@oddur.is eða hringja í síma 565-9092
Almennt verð á námskeið er 12.500 kr. en veittur er 20% systkinaafsláttur af upprunalegu verði.
Verð fyrir börn/barnabörn félagsmanna GO er 10.000 kr.
Sjá heimasíðuna Oddur.is.