Frakt flutningsmiðlun er með reglulegar flugsendingar til og frá öllum heimshornum. Í samstarfi við sérvalda samstarfsaðila um allan heim eru vörusendingar sóttar hratt og örugglega með flugi. Sérþekking fyrirtækisins á flutningsleiðum til landsins ásamt sveigjanlegum lausnum tryggja hagkvæman flutning frá hvaða stað sem er, í góðu samstarfi við flugfélög sem fljúga til landsins. Þannig næst tilætlaður árangur og sendingin kemst fljótt og örugglega á leiðarenda.

Það getur verið flókið að velja besta flutningsmátann fyrir sitt fyrirtæki en þá er gott að geta leitað til fagfólks sem hefur sérþekkingu til að meta möguleikana út frá staðsetningu vörunnar í heiminum, flutningstíma og muninum á kostnaði við flugfrakt og sjófrakt. Það getur sparað tíma og fjármuni að nýta sér sérþekkingu Fraktar flutningsmiðlunar á þessu sviði enda hefur fyrirtækið hag viðskiptavina alltaf að leiðarljósi.

Bandaríkin eru afar hagstætt svæði til að flytja vörur í flugfrakt enda krónan mjög sterk gagnvart dollaranum og niðurfelling hefur orðið á innflutningstollum á vörum frá Bandaríkjunum, að undanskyldum matvörum. Þá eru flugvélar á Bandaríkjaleiðum mjög plássgóðar og rúma stórar vörusendingar auk þess sem mikið framboð er af flugleiðum.

Flugfrakt uppfyllir kröfur nútímans um hraða og sveigjanlega þjónustu og gerir fyrirtækjum kleift að þjóna viðskiptavinum sínum hratt og örugglega. Frakt flutningsmiðlun státar af hraðri og öruggri þjónustu sem stuðlar um leið að því sama hjá viðskiptavinum fyrirtækisins sem þurfa að hafa vörur til reiðu fyrir sína viðskiptavini.
Slagorð fyrirtækisins er „Frakt í takt við tímann“ og það endurspeglast bæði í skjótum svörum við fyrirspurnum um flutningstíma og stöðugri upplýsingagjöf um flutningsferlið sem viðskiptavinurinn fær að frumkvæði Fraktar flutningsmiðlunar. Viðskiptavinir fyrirtækisins þurfa sjaldan að hafa samband því þeir eru ávallt vel upplýstir um stöðu mála.

Frakt flutningsmiðlun hefur skapað sér sérstöðu á flutningamarkaðnum með einstaklega fljótlegum afgreiðslutíma og afar gegnsærri þjónustu. Fyrirtækið hefur starfað frá árinu 2010 og er til húsa að Sundagörðum 2, 104 Reykjavík. Skrifstofa Fraktar er á jarðhæð en þar er gott aðgengi fyrir viðskiptavini og næg bílastæði. Símanúmer er 520 1450.
Nánari upplýsingar eru á vefsíðunni frakt.is.