Klukkan, Hamraborg 10 og Klukkan.is
Klukkan er fyrirtæki sem sameinar það besta úr fortíðinni og nútímanum. Annars vegar er hún yfir 40 ára gömul úra- og skartgripaverslun, staðsett á grónum verslunarstað á höfuðborgarsvæðinu, nánar tiltekið í Hamraborginni í Kópavogi; hins vegar nútímaleg netverslun sem fer sístækkandi og býður upp á afbragðsþjónustu, meðal annars gjaldfría heimsendingu um allt land.
Klukkan var stofnuð árið 1975 og hefur alla tíð verið staðsett í Hamraborg. Fyrirtækið er í eigu Viðars Haukssonar úrsmíðameistara og fjölskyldu hans. Boðið er upp á mikið úrval af úrum og skartgripum. Einnig er mikið úrval af klukkum í öllum stærðum og gerðum, en einnig skírnargjöfum og nafnagjöfum ásamt annarri tengdri gjafavöru. Meðal helstu úramerkjanna í Klukkunni eru Hugo Boss, Daniel Wellington, DKNY, Tommy Hilfiger, Raymond Weil, Fossil og Seiko. Meðal helstu vörumerkja í skartgripum eru íslensku merkin Sign og Lovísa og danska skartgripalínan frá Kranz.
Núna er Klukkan að taka inn nýjar klukkur og úr frá Newgate, bresku merki sem hefur notið mikilla vinsælda víða. Vörurnar eru væntanlega í sölu fyrstu vikuna í mars.
Verslunin í Hamraborg 10 er opin virka daga frá kl. 10 til 18 en laugardaga frá 11 til 14. Símanúmer er 554-4320, og má nálgast allar frekari upplýsingar á heimasíðu verslunarinnar, klukkan.is.
Sem fyrr segir er mikill kraftur í netverslun Klukkunnar á slóðinni klukkan.is. Er það metnaður Klukkunnar að vera leiðandi í netverslun með úr og skartgripi á Íslandi. Almennt leggur Klukkan mikla áherslu á góða þjónustu við viðskiptavini og að það sé auðvelt og þægilegt að eiga viðskipti við fyrirtækið. Lykilatriði þar er að reka svo öfluga netverslun að það skipti ekki máli hvar viðskiptavinir Klukkunnar búi þó að vissulega sé alltaf gaman að koma í verslunina í Hamraborg 10.
Sem fyrr segir eru allar vörur sendar frítt hvert á land sem er. Á höfuðborgarsvæðinu eru pantanir að jafnaði keyrðar heim samdægurs á virkum dögum sé pantað á afgreiðslutíma verslunarinnar. Pantanir út fyrir höfuðborgarsvæðið berast á 1–2 virkum dögum.
Nánari upplýsingar á klukkan.is.
