„Veipur“ eru sífellt meira notaðar á Íslandi og margir telja þær vera byltingarkennt vopn í baráttunni gegn reykingum. Núna er hægt að gefa reykingamanni gjafabréf í veipverslun í jólagjöf – nokkuð sem gæti hjálpað viðkomandi að kveðja sígarettuna fyrir fullt og allt.

„Þetta er langauðveldasta leiðin til að hætta að reykja og ég hef sjálfur reynslu af því. Þetta hjálpar rosalega. Það kemur til mín fólk sem hefur reykt í 40 ár og er búið að reyna oft að hætta en hefur svo gefist upp – en svo hefur því tekist að skipta yfir í „veipur“ og það segir mér að það hafi ekki trúað því að þetta væri hægt. Fólk með alls konar óþægindi í lungum finnur líka mikinn mun á heilsunni eftir að því tókst að skipta úr sígarettum yfir í „veipur“,“ segir Atli Jónsson, einn þriggja eigenda fyrirtækisins Fairvape. Fairvape rekur tvær verslanir, eina á Selfossi og aðra í Fákafeni 11 í Reykjavík, beint fyrir ofan Gló. Þriðja verslunin verður síðan opnuð að Reykjavíkurvegi í Hafnarfirði öðrum hvorum megin við jól. Einnig rekur fyrirtækið vefverslun á fairvape.is og sendir þaðan vörur hvert á land sem er og er enginn sendingarkostnaður.

Mynd: DV ehf / Sigtryggur Ari

„Þetta eru eingöngu sérverslanir með „veipur“ og áfyllingarefni,“ segir Atli. Hann segir að Fairvape sé með nokkra birgja í Evrópu, Bandaríkjunum og Kína. „Vökvarnir sem við seljum koma hins vegar aldrei frá Kína heldur bara frá Bandaríkjunum og Evrópu.“

Gjafabréf er hægt að fá fyrir hvaða upphæð sem kaupandi velur og þau eru til sölu í Fairvape-versluninni að Fákafeni 11. Gilda þau fyrir allar vörur í versluninni.

Þá má þess geta að allir vinir Fairvape á Snapchat fá 10% afslátt af öllum vörum fyrirtækisins í báðum verslununum og í vefversluninni. Snapchat er: Fairvape.

Sjá nánar á fairvape.is.