Megan Ward, tvítug stúlka frá Birmingham á Englandi, hefur aldrei fengið fullnægingu. Megan er ein fjölmargra kvenna sem þjást af svokallaðri Anorgasmíu sem lýsir sér þannig að viðkomandi getur ekki fengið fullnægingu. Talið er að allt fimmtungur kvenna í Bretlandi þjáist af þessu.

Megan kveðst hafa prófað hin ýmsu tæki og tól síðastliðin þrjú ár en án árangurs. Þá hafi hún gengist undir meðferðir af ýmsu tagi, allt í þeim tilgangi að fá fullnægingu. Enn sem komið er hafi ekkert virkað.

Í umfjöllun breska blaðsins Mirror kemur fram, eins og að ofan greinir, að allt að fimmtungur breskra kvenna þjáist af Anorgasmíu. Virðist um dulinn vanda að ræða sem ekki hefur farið hátt á undanförnum árum.

Í pistli í háskólablaðinu The Tab, sem gefið er út af nemendum háskólans í Birmingham, segir Megan að hún eigi tíu tegundir af titrurum auk annarra hjálpartækja. „Á sama tíma og mér þykir vænt um þau, eins og fólki þykir vænt um gæludýrin sín, hafa þau ekki enn hjálpað mér að fá fullnægingu.“

Megan tjáði sig fyrst um málið í nóvember 2014 í blaðagrein og segist hún hafa óttast viðbrögðin sem hún kynni að fá. Í dag segist hún ánægð með þá ákvörðun sína að opna á umræðuna og fengið heilmikil viðbrögð, meðal annars frá konum í sömu sporum og hún.

Hún segist hafa ákveðið að tjá sig um sinn vanda því það skiptir máli að fólk, sér í lagi ungt fólk, geti rætt saman um mál af þessu tagi. Það sé engum til gagns að bera harm sinn í hljóði.