Nú er fyrsti sunnudagur í aðventu genginn í garð og úr honum aftur, vafalaust einhverjum að óvörum, þar sem hann lenti á síðasta sunnudegi í nóvember. Því má gera ráð fyrir að einhverjir hafi misst af því að kveikja á fyrsta aðventukertinu og vanti jafnvel aðventukrans eða viðeigandi kerti. Að auki er annar í aðventu á morgun og því ekki seinna vænna að fjárfesta í einum kransi eða svo. Hjá Bjarkarblómum í Smáralind fást dýrðlegir aðventukransar úr ekta greni, skreyttum náttúrulegu efni eins og könglum og ótrúlega krúttlegum þykkblöðungum sem duga í allt að þrjá mánuði. Bjarkarblóm selur einnig gullfalleg aðventukerti frá Danmörku sem njóta sín bæði ein og sér, á glæsilegum platta eða með skreytingum í kring sem Bjarkarblóm býður sömuleiðis upp á í gríðarlegu úrvali. Einnig er gott úrval af glæsilegum fullskreyttum krönsum.

Fullskreyttir aðventukransar með náttúrulegum skreytingum

Íslensk hönnun á góðu verði

Í Bjarkarblómum fæst vönduð gjafavara á sanngjörnu verði. Bjarkarblóm selur einnig fallega íslenska hönnun sem er tilvalin í jólapakkann. „Púðarnir frá JB-art eru til dæmis virkilega skemmtileg jólagjöf, enda skreyttir flottum og jákvæðum textum. Einnig fást kertastjakar og fleiri gjafavörur frá sama hönnuði með samskonar textum,“ segir annar eigandi Bjarkarblóma, Elva Björk Jónatansdóttir. Dóttir Elvu, Ragnhildur Rós Kristjánsdóttir keypti nýlega hlut í fyrirtækinu og reka þær nú saman þetta farsæla fjölskyldufyrirtæki. Allir starfsmenn Bjarkarblóma eru með margra ára reynslu og er verslunin þekkt fyrir faglega þjónustu og gott úrval af fallegri gjafavöru.

Bjarkarblóm lýsa upp leiði

Í dimmum desembermánuði leggja margir leið sína í kirkjugarðana til að skreyta og lýsa upp leiði ástvina sinna. Bjarkarblóm er með töluvert úrval af fallegum skreytingum og kertum fyrir leiði, bæði venjuleg og eins með rafhlöður sem endast 40–300 daga eftir tegundum.

Falleg rafkerti í miklu úrvali

Þess má geta að Bjarkarblóm flutti nýverið inn á nýjan gang í Smáralind og opnaði þar með pompi og prakt með veglegum tilboðum. Einnig var að opna ný og glæsileg vefverslun og fást þar keypt blóm, skreytingar og gjafavörur á góðu verði, líkt og í versluninni sjálfri í Smáralind.

Bjarkarblóm er staðsett við nýja innganginn í Smáralind í Kópavogi.
Hægt er að hafa samband við Bjarkarblóm í síma 578-5075 eða með því að senda póst á netfangið elva@bjarkarblom.is.
Nánari upplýsingar má nálgast á vefverslun Bjarkarblóma og facebooksíðu verslunarinnar.