Rafvörumarkaðurinn er stór rafvöruverslun þar sem ljósavörur eru fyrirferðarmiklar og megináhersla lögð á gott verð. Þessar vikurnar standa yfir Ljósadagar í Rafvörumarkaðnum og er mikið úrval ljósa á frábæru verði, eða á 20–50% afslætti. Alls konar inniljós eru á tilboði, til dæmis frá Novodworski, en það eru ljós sem eru þekkt fyrir fágaða og stílhreina hönnun og hafa þau selst vel í Rafvörumarkaðnum. Einnig er afar gott verð á útiljósum, til dæmis í merkinu Fumagalli, en það eru viðhaldsfrí útiljós sem hafa selst gríðarlega vel, framleidd úr höggþolnu resin-plastefni, laus við ryð og tæringu, og henta afar vel fyrir íslenskar aðstæður.

Þá má nefna rakahelda flúrlampa á 20% afslætti og Philips-baðherbergiskúpla á góðu verði. Enn fremur eru til sölu þráðlausar dyrabjöllur.

Sigurður Davíð Skúlason í Rafvöruvmarkaðnum

Mynd: ©Ernir Eyjólfsson

Í Rafvörumarkaðnum er til sölu breytiefni fyrir innstungur á lágu verði. Víða í húsum leynast ítalskar Ticino-innstungur sem passa ekki fyrir algengustu tegundina af rafmagnsklóm. Þarf þá að notast við millistykki sem er óhentugt. Við notkun breytiefnisins er hluti af innstungunni skrúfaður úr henni og nýrri grind smellt í svo útkoman er venjuleg evrópsk innstunga. Þetta er einföld og fljótleg aðgerð og millistykkjavandamálið er úr sögunni.

Ekki má gleyma því að í Rafvörumarkaðnum eru til sölu öll verkfæri sem þarf til að setja upp ljós, til dæmis kapaltangir.

Rafvörumarkaðurinn er til húsa að Síðumúla 34, Fellsmúlamegin. Verslunin er afar vinsæl af ýmsum ástæðum: Frábært vöruúrval, betra verð en þekkist víðast hvar og sífellt ný tilboð í gangi, sem og mjög góð staðsetning miðsvæðis á höfuðborgarsvæðinu þar sem eru næg bílastæði. Síðast en ekki síst er verslunin mjög rúmgóð.

Rafvörumarkaðurinn er opinn alla daga vikunnar, mánudaga–föstudaga frá kl. 9 til 18, laugardaga frá kl. 10 til 16 og sunnudaga frá kl. 12 til 16. Upplýsingar um verslunina er að finna á vefslóðinni rvm.is og á Facebook-síðu Rafvörumarkaðarins. En sjón er sögu ríkari og best er að koma á staðinn, þreifa á vörunum, sjá allt úrvalið og kanna hvað hentar best á þitt heimili.