Wesley Sneijder, fyrrum leikmaður Inter Milan og Real Madrid, var alls ekki hrifinn af vængmanninum Antony eftir leik Manchester United og Coventry í miðri viku.
Antony ákvað að gera grín og ögra leikmönnum Coventry eftir sigur enska stórliðsins og hefur verið harðlegas gagnrýndur.
Sneijder fylgdist með leiknum en United vann leikinn í vítakeppni gegn Coventry sem er í næst efstu deild Englands.
Það má segja að framkoma Antony hafi verið til skamma or og vonar Sneijder nú að United tapi 5-0 gegn grönnunum í Manchester City í úrslitum.
,,Antony ætti að skammast sín fyrir það sem hann gerði,“ sagði Sneijder í samtali við Ziggo Sport.
,,Það sem hann á að gera er að yfirgefa völlinn um leið. Ég vona að United tapi 5-0 í úrslitaleiknum.“