Fréttir

Átak í ræktinni: Það stórsér á Sigmundi Davíð

Ragna Gestsdóttir
Miðvikudaginn 16. maí 2018 22:30

Sigmundur Davíð Gunnlaugsson formaður Miðflokksins vekur ítrekað athygli og þá oftast á sviði stjórnmála, en undanfarið hefur það verið útlit hans sem vekur athygli fólks.

Sigmundur hefur undanfarna mánuði verið fastagestur í World Class í Laugum þar sem hann æfir af miklum móð undir vökulu auga og æfingaprógrammi Baldurs Borgþórssonar, sem skipar 2. sætið á lista Miðflokksins í Reykjavík fyrir sveitarstjórnarkosningarnar.

Baldur er lærður einkaþjálfari og síðustu fjóra mánuði hefur Sigmundur Davíð tekið mataræðið í gegn og æft af krafti og hefur það svo sannarlega skilað árangri en hann hefur misst um 20 kg. Það hreinlega „stórsér“ á Sigmundi Davíð.

Þingflokkurinn ákvað að taka sig á líkamlega og hefur Sigmundur Davíð staðið sig manna best í átakinu.

Á myndinni eru þeir ásamt Vigdísi Hauksdóttur sem situr í 1. sæti listans, æfir hún af krafti líka, og Svein Hirti Guðfinnssyni, sem situr í 3. sæti listans og hyggst hann hefja æfingar hjá Baldri af kosningum loknum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af